聖誕開party必備!推介15款好睇又好食甜點 | 旭茉JESSICA


Hot key words



主頁 / Not-found / Wine & Dine / 聖誕開party必備!推介15款好睇又好食甜點

聖誕開party必備!推介15款好睇又好食甜點

Joey Chen2017-12-15

聖誕節是不少人每年最期待的節日,因為四周佈置漂亮,甚有節日氣氛,很多人都會相約一起開派對兼交換禮物!講到開party,又怎能缺少派對美食?除了火雞、Pizza等鹹點之外,更要有賣相吸引的聖誕甜點。今年聖誕節前夕已經有不少既好睇又好食的甜點登場,太多選擇唔知點揀?等我們編輯部推介俾大家!

 


最甜蜜的火鍋

香港人鍾意打邊爐,甜品當然唔少得朱古力火鍋,今年Häagen- Dazs的限定外賣雪糕火鍋套裝,新加入兩款期間限定的驚喜醬料︰森半抹茶白朱古力醬及紫薯白朱古力醬。想試森半抹茶白朱古力醬,可選經典套裝,包括︰16 球指定口味的迷你雪糕球,口味分別為仲夏野莓、比利時朱古力、呍呢嗱及焦糖脆餅,另配12件全新的精緻雪糕餅點,包括︰比利時朱古力雪糕馬卡龍、仲夏野莓雪糕麻糬及焦糖脆餅雪糕小糖果。

想試埋紫薯白朱古力醬就要選尊貴套裝,一次過品嚐香濃朱古力醬和兩款和風白朱古力醬,加上48球分別為仲夏野莓、比利時朱古力、呍呢嗱、焦糖脆餅、曲奇呍呢嗱、士多啤梨、士多啤梨芝士餅及藍莓味的迷你雪糕球。



編輯熱選:

凍冰冰又想食雪糕

無論聖誕節凍唔凍都想食雪糕,如果有3D立體造型就更加開心。Häagen-Dazs推出造型夢幻3D雪糕蛋糕,細緻的裝飾品由大師親手裝嵌或繪製,絕對睇得影得又食得!


編輯熱選:

吃得到的聖誕樹

聖誕派對一定有聖誕樹佈置,如果食桌上都有吃得到的聖誕樹更能令朋友驚喜萬分!聖安娜推出3D聖誕樹蛋糕「星之光芒」及多款可愛趣緻的聖誕蛋糕和甜品,星之光芒其實是宇治抹茶忌廉什果蛋糕,外層的抹茶忌廉以日本京都宇治東茶園最頂級的茶道級抹茶所製作,而聖誕樹外圍再以新鮮草莓包圍,3D設計夠搶眼,「呃like」一流!


編輯熱選:

最Funny的糖果

糖果唔一定好甜,來自歐洲的玩味時尚糖果店The BonBonist於今餉聖誕節推出,兩款期間限定節日版禮盒。以「可可愛甜心」命名的朱古力禮盒用上藍色禮盒盛載限定朱古力。當中以紅色及白色脆糖包裹著杏仁粒的「聖誕老人來了」最有氣氛,男外還有金色版杏仁糖果粒「聖誕閃燈」、「快樂金子」以鳥結糖及黑朱古力包裹著杏仁粒、「焦糖女郎」、包裹黑朱古力的穀物脆粒「夜半花火」、杏仁脆糖果「噢,聖誕樹」、「珍愛車厘」用上榛果朱古力包裹Morello櫻桃軟心。而紅色包裝的「甜蜜感動」禮盒盛載店內大熱糖果款式,包括「勁辣能量」、「微醺小熊」「神遊熱帶椰林」、「情迷自由古巴」、「奶昔派對」、「流星」、「糖果金寶」。


編輯熱選:

GODIVA

開party食到尾聲通常大家會坐下來聊天,這時嘆杯紅酒或咖啡就一家要配朱古力了!GODIVA聖誕系列朱古力包括多款兒時回憶的聖誕角色,例如活潑的企鵝、可愛旳不倒翁雪人及人見人愛的聖誕老人,這些聖誕角色朱古力備有三種口味。建議買聖誕倒數日曆朱古力禮盒裝,一大班朋友輪流拆,有得玩又有得食!


編輯熱選:

來自銀座的吉士布甸

早於1902年SHISEIDO於日本銀座開設首個高級餐飲品牌SHISEIDO Parlour,每年推出的聖誕美食禮盒都十分受歡迎,今年SHISEIDO x Lane Crawford於香港開設限定聯乘SHISEIDO Parlour專櫃,買聖誕甜點天可以扮靚!推介吉士布甸採用濃郁雞蛋、特濃牛奶、日本黃糖與甘中帶甜焦糖漿等材料製造,質感幼滑,入口即溶。而節日限定禮盒內藏3款脆脆朱古力,包括士多啤梨味、肉桂味、牛奶朱古力及香脆黑朱古力餅乾。


編輯熱選:

吃聖誕老人落肚

小朋友見到聖誕老人就開心,如果吃個聖誕老人蛋糕落肚又會點呢?東海堂今個聖誕推出「魔法聖誕 MAGIC Christmas」聖誕蛋糕系列,包括聖誕魔法師、派對薑餅人、星夜聖誕樹和三位雪國精靈的造型蛋糕,全新扮相都好吸引,你捨不捨得吃?

聖誕魔法師是士多啤梨雲呢拿慕絲蛋糕,以細滑的雲呢拿慕絲和海綿蛋糕夾以士多啤梨醬連果肉,表層再鋪上紅色朱古力噴沙,造型吸引。派對薑餅人內層的朱古力慕絲採用4度榮獲「金豆獎」的意大利朱古力品牌AMEDEI的70%濃度朱古力,夾層配以朱古力蛋糕和朱古力軟心,十分適合朱古力控!


編輯熱選:

芝士控的聖誕禮物

對於喜歡芝士的朋友來說,聖誕派對一定不能缺少cheese cake。芝士蛋糕專門店Cheesess推出一系列節日限定「芝」味,首次推出紅絲絨芝士卷,選用味道濃香、質感柔滑輕盈的澳洲忌廉芝士,加入由百分百植物煶煉的天然食物色素製作而成,面層鋪上薄薄且優雅的糖霜。另外有濃濃酒香的百利甜酒芝士蛋糕,嚴選法國忌廉配搭澳洲忌廉芝士,伴隨濃厚的Baileys甜酒香氣,配搭香脆的朱古力脆脆餅底,層次豐富 。


編輯熱選:

經典軟心朱古力滋味

近年愈出愈多新奇口味的朱古力,其實不少人都鍾情最經典的傳統軟心朱古力。LINDOR軟心朱古力的圓球外殼,連同入口即融的幼滑軟心,吃起來真的有少許甜蜜的感覺。在聖誕派對的桌上擺放一大盒LINDOR軟心朱古力,包括多種不同口味,牛奶軟心、純味軟心、榛子軟心、60%可可特級純味軟心、軟心白朱古力和士多啤梨軟心,的確吸引。


編輯熱選:

層層疊爆谷

開party點少得爆谷?Garrett爆谷推出限定聖誕繽紛疊樂罐,以胡桃夾子童話為主題,有穿著綠毛衣的小狐狸和帶著圍巾的雪人彈著吉他。疊樂罐可以讓你轉動罐子進行拼圖游戲。自由選配爆谷口味,一定要選聖誕節限定黑朱古力焦糖脆脆,純正香濃黑朱古力好味!


編輯熱選:

Tag:

Other Articles