Vegan Pret 純素10大新發明 | 旭茉JESSICA


Hot key words



主頁 / Not-found / Wine & Dine / Vegan Pret 純素10大新發明

Vegan Pret 純素10大新發明

Goosie Lam2017-03-03

你知道Vegatarian(素食)同Vegan(純素)有咩分別嗎?嗱!Vegetarian就即係唔食肉啦,而Vegan係由Vegetarian演變出嚟嘅,Vegan唔食肉之外,所有同動物有關嘅製品,例如牛奶、芝士、乳酪、蛋同埋蜂蜜等等都係唔on list的。純素主義者更加唔會用皮革或者皮草,總之生活裡面唔會有任何產品係來自動物啦,所以話純素係一種信念,或者可以話係一種信仰,多過一種飲食集慣。 話說回來,好彩而家素食愈來愈流行,要搵餐飯食已經唔係難事,不過如果你係純素人,就唔同講法。碗湯有蛋花,沙律落咗乳酪,或者個健康飲品有蜂蜜,咁點算?唔通餐餐自己煮?梗係唔係啦,講咁大輪嘢梗係有好嘢介紹啦。


Pret A Manger啱啱今日喺全線分店推出咗「Not Just For Veggies」系列,個名係咪令人有啲混亂呢,其實即係一句講晒,純素人都食得,即係所有人都食得囉,包括素色、肉食或者突然素食......


前幾日親身去咗銅鑼灣利園viggie concept舖試食,個人覺得呢個Viggie新系列10款食物之中,最出色嘅一定係彩虹千層沙律杯,用中東風味的鷹嘴豆泥做base,健康又飽肚,豆泥少少鹹,同有少少酸嘅甘筍夾到爆,加埋啲車厘茄,真係又好味有健康哦~~

如果講最偉大發明,一定係呢個用椰子米奶代替牛奶乳酪嘅idea,而呢杯草莓奇亞籽椰子乳酪,椰味濃郁之餘,亦都不含麩質及奶製品,配以奇亞籽同酸酸嘅草莓,係有創意嘅。

唔想食凍冰冰沙律生冷嘢,想吃返啲熱嘢暖胃,仲有香烤甜椒帕瑪森芝士裸麥麵包,係全港首款用呢種麵包種類製作嘅有營輕食,佢哋淨係用紅色同黃色嘅燈籠椒,唔使怕青椒嗰陣青味,仲煎到好香,配埋個厚切包,真係可以食包飽㗎。

另外,Pret 仲有一系列健康到爆嘅cold pressed汁,保證高汁好飲,總之,以後純素人出街䭍女或者買外賣都唔使愁了~~ by the way,呢個牌子係Pret A Manger,係法文嚟架,解ready to eat,最尾個字係Manger(大概係讀「芒shay」,即係eat咁解)唔係Manager(經理),唔好再讀錯喇吓! Text > Goosie Lam

Tag:

Other Articles