又到入秋hiking潮!注意3大郊外野垃圾攻陷山野美景 | 旭茉JESSICA


Hot key words



主頁 / Not-found / Health & Fitness / 又到入秋hiking潮!注意3大郊外野垃圾攻陷山野美景

又到入秋hiking潮!注意3大郊外野垃圾攻陷山野美景

Goosie Lam2017-09-14

2016年尾大帽山棄營事件,令人關注行山露營熱潮為郊區帶來垃圾負荷,亦令Facebook出現很多關注山野問題的群組,其中「山系‧清道夫」更會不時舉辦活動,教大家如何在行山的同時,出多一分綿力義務保護大自然,希望大家在欣賞大自然,拍照吸Like的同時,亦懂得愛護山野。編輯亦曾義務參與清道夫工作,短短兩個小時,就清出20袋垃圾,其中90%均都係行山人士遺留垃圾。到底邊3樣垃圾攻陷山林?
山野頭號垃圾:紙巾

好多人以為紙巾周圍掉都無所謂啦,落一場雨就溶,但事實係張紙巾未溶得切已經乾返,結果又濕又乾無限輪迴,最後咪成個山都係紙巾囉!最邪惡的,是濕紙巾,直至現時為止,科學家仍未能正確計估算濕紙巾被大自然分解所需要的時間,只知道其物料與纖維,分分鐘比塑膠更難分解。

真係愛護大自然嘅,帶條毛巾取代紙巾啦!仲有呀,千祈唔好用濕紙巾呀,專家話紙巾都有可能溶,但濕紙巾嘅物料,連佢哋都唔知要記多千萬年先分解得到。

第2號垃圾:膠水樽 有飲晒嘅吉樽啦,飲剩一半嘅綠茶樽啦,仲有裝住不明色液體嘅礦泉水裝...... 查實帶個可以再用嘅水樽真係咁難咩?樽裝水即用即棄,真係極唔環保,唔好話行山,就連平時都唔應該買。

3號垃圾:食物殘渣 無論你係帶生果定麵包,用個盒裝住佢上山,將食剩嘅蘋果芯、橙皮入返盒帶返落山。就係咁簡單,就可以減少山上面嘅垃圾喇。 以後記住eco hike行山三寶:毛巾、水樽、食物盒,一齊保護山林。 Text > Goosie Lam Photo > Internet