去到邊都要做!出外VS家中facial大不同 | 旭茉JESSICA


Hot key words




主頁 / 去到邊都要做!出外VS家中facial大不同

去到邊都要做!出外VS家中facial大不同

Joey Chen2018-11-12

唔好誤會,我講緊做facial呀!做咗美容白老鼠十幾年,周圍去試唔同facial已經成為習慣,好忙時就會在家自己做。近幾年流行家中美容儀,我亦「珍藏」了幾部,珍藏的原因是「用時麻煩,但棄之可惜」,如果你曾經是用家就一定懂。好多時用兩次就會放棄,因為過程有啲麻煩,又要搽嘢又要按摩 (懶係主因!)。

好彩科技日新月異 (下刪數十字),美容機愈出愈勁,近期我試呢部光學美肌儀係首部受NASA (美國國家航空航天局)和瑞士醫學研究的專利技術研發。嘩,出動到NASA!

先唔講科技,我兩個星期前開始試用,總共用咗6次,即係平均每星期用3次,打破過往用家中美容儀不多於4次的宿命!因乜解究我會勤力咗?答案好簡單,因為方便易用。只需戴上面,啟動電源,按護膚需求選擇療程就得,坐或瞓都做到。用之前先噴灑溫水或搽上toner補濕,我亦試過搽埋serum先做,可以加強護膚效果,每次約2至6分鐘(按不同療程)就完成。


 
呢部機來自TALIKA的Genius Light智慧多效光學美肌儀,它的光學美容建基於NASA科研成果所研發的一項專利技術,每個光頻波長都具備獨有的美容功效,配備4種光頻技術包括橙光、紅光、綠光及藍光,配合7種電流脈衝技術,可以做到8種美肌療程,包括:減淡幼紋、抗衰老及緊緻、美白祛斑、抗瑕疵、抗壓、即時美麗、排毒及日曬後護理。呢部美肌儀賣HK$2,980,確係有啲貴,不過我真係會keep住長用,除開平均價都接受到!

因為忙因為懶所以我留在家中做機,但始終都掛住美容院的人手按摩facial,夠舒服嘛!終於上星期去咗Dior Maison de Beauté做facial,歷時90分鐘的「活顏再生護理」,美容師的獨特背部及面部按摩手法一流,,過程中結合玫瑰花蜜活顏系列產品,夠滋潤之餘,亦針對皮膚微炎症,有效讓深層肌膚自我再生,做完之後見到自己的肌膚明顯緊緻同亮澤咗。

當中有個重點推介,就係用咗最新的Dior Prestige玫瑰花蜜活養精華眼霜,它的獨特按摩棒由10顆360度全方位轉動的陶瓷微珠,配鍍金按摩頭而成,官方聲稱使用一次相等於為眼周肌膚進行10次微引流按摩,我試完唔覺咁誇張,不過雙眼明顯firm咗精靈咗!

 


Tag:

Other Blog