繁華絢麗的英法魅力 | 旭茉JESSICA


Hot key words




主頁 / / / 繁華絢麗的英法魅力

繁華絢麗的英法魅力

Vanessa Lee2016-02-05

早前推介過倫敦較為親民既飲食熱點,既然去得旅行,無理由唔試吓當地既星級餐廳既,尤其是農曆年假踏正情人節。

為免浪費Quota,無理由唔check吓餐廳同埋廚師既CV嘅!本來想試倫敦三間三星米芝蓮之一既Alain Ducasse at the Dorchester ,因為Alain Ducasse 係唯一一個全球擁有二十一間米芝蓮星級餐廳既廚師,好想試吓究竟有幾勁!但係Book唔到位,於是決定試吓佢徒弟Hélène Darroze既餐廳,安撫吓心靈先!
其實Hélène本身都好犀利,家族三代都係從事飲食業,作為第四代傳人既佢,成績更加漂亮,2001年摘下第一顆米芝蓮星之後,不斷為自己創下佳績,而家已經係三間米芝蓮二星既主廚。

位於倫敦Mayfair village 既Hélène Darroze座落於歷史悠久既The Connaught 酒店地下,酒店雖然經過翻新但係仍然保留十九世紀建築既風貌,散發住濃烈既英倫魅力。

能夠置身於這個瑰麗既環境享受一個二星級既法國大餐,絕對為整個旅程生色不少。

整個dining experience 由入座睇menu 開始,就好似一個journey咁,令你好期待之後個dish 嘅presentation ,唔會有悶場,當然食物亦over左我既expectation。

Menu好得意,好似棋盤咁,只供應十四個dishes ,可以自由配搭五、七或九個dishes ,將唔要嗰D錄出條坑就得,好玩又好睇!

未上Appetizers,先有Cheese croquettes同埋暖笠笠既warm bread 加Parma ham打頭陣,有個好既first impression 已經加咗唔少分!

Appetizers 以我最鐘意既foie gras打頭陣,廚師用咗野莓、車厘子、開心果及elderflower作點綴,充分將漏既感覺踢走同時又將整個賣相昇華!

之後既龍蝦煮得啱啱好,以特製既醬汁配上新鮮既carrots 、海藻同埋當造嘅truffle ,沒有浪費龍蝦既鮮味之餘亦為菜式抹上一份奢華。

來自愛爾蘭既Jumbo Scallop ,係咁多個dishes 裹面做得最好, 帶子好似手掌咁大,煮得外脆香口,並沒有過火弄得全熟,加上些少citrus coriander同埋carrots ,令帶子鮮甜程度更上一層樓!

雖然已經好飽,但係佢既牛仔肉仍然都極能刺激味蕾,令我胃口大增!

最後既chocolate madagascar 就係“What makes a nice dinner complete !” 朱古力mousse 加朱古力brownie 應該可以話係“bye bye diet” ,但係聰明既主廚加咗朱古力湯同埋passion fruit 去調和heavy 既感覺,同時可以令顧客試匀所揀既dishes,一舉兩得!

PS. 如果打算weekend 去的話,切記最少兩至三星期前訂位呀!


編輯熱選:


Tag: