宇都宮餃子 | 旭茉JESSICA


Hot key words




主頁 / / / 宇都宮餃子

宇都宮餃子

Kei San (杉內馨)2015-11-20

我諗, 日本人鍾意餃子嘅程度唔比中國人少。 當小食又會,送酒又會,甚至會當正餐食,由小朋友至大人都一樣咁受歡迎。

喺日本,唔同地方嘅餃子都各有特色,風味都唔同。首先,日本餃子嘅皮比中國餃子較薄, 而且餡會好飽滿,皮同餡會黏合得緊一點。食法方面,多數煎或炸,較少食水餃的。好多香港朋友都話覺得日本人好奇怪,時時去旅行見到有餃子定食,會將餃子送白飯。係呀,我地會當餃子係餸菜呢!

如果講日本最出名的餃子都市,一定係栃木縣的宇都宮。聽當地市政府朋友話,佢地餃子嘅消費數字已連續15年係全日本之冠,亦有條餃子街,每年有餃子祭、亦有餃子協會等,已經成為一種當地文化同吸引旅客嘅特色。如果想一次試多幾間比較下,可以去餃子街,好多店都有試食的小分量, 唔使每次大大碟。有的點味噌醋,有的會蒜香重一點,有的多菜少肉等、各有特色。如果去開東京玩,可以一日遊去食餃子都好開心呀! 大家不妨參考下網址。
http://www.gyozakai.com/


Tag: