節日限定!8招教你過浪漫「性」誕 | 旭茉JESSICA


Hot key words



主頁 / Lifestyle / Sex / 節日限定!8招教你過浪漫「性」誕

節日限定!8招教你過浪漫「性」誕

Lucy Lamb2017-12-08

點樣過聖誕最浪漫?大凍天時,最好梗係留喺被竇入面啦,若然有個人肉欖枕就更perfect喇!不過如果佢完全唔知你諗緊乜,淨係掛住拆禮物同食聖誕朱古力嘅話,以下8招可以幫你輕鬆挑動佢嘅下半身。
1. 化身性感聖誕女郎
最簡單嘅一招,係買返套聖誕女郎裝旁身。吃完聖誕大餐,沖個靚涼變身「性」誕女郎,
問過身邊男性朋友,呢招萬試萬靈。

2. 手作愛心「性」誕card 聖誕節當然唔少得互送聖誕卡,如果你鍾意做手作仔嘅話,搵一張你最性感嘅相 DIY一張「性」誕卡畀佢,留下一個紅唇,再約定佢聖誕夜要一齊過。 記得要親手交畀佢,如果寄去佢公司,佢當普通聖誕卡掛咗出嚟就唔係幾好啦!

3. 性感掛牆月曆 如果你又鍾意做手作仔,又同佢一齊住,身材又有返咁上下嘅話,搵12張sexy相整個掛牆月曆畀佢啦,面皮太薄嘅話,用12張你地一齊影嘅甜蜜合照亦得,早啲返屋企等佢返嚟unveil個月曆,佢一定即刻攬住你錫到燶!Yes攬枕到手!

4. 特別嘅按摩服務 另一個萬試萬靈嘅招數,係按摩。先由膊頭開始,再輕輕按到佢嘅胸膛,如果你唔係按摩師嘅話,記得唔好太大力,否則整傷咗就弄巧反拙了。 就算有對天生嘅凍柑手都唔緊要,按完膊頭改用咀唇錫錫,仲冧!

5. 呢個聖誕食少啲 飯氣攻心除咗會令人無心機做嘢,仲會無心機搞嘢,不過我都明嘅,美味嘅聖誕大餐當前,係會忍唔住,總之記得唔好暴食啦,同埋食得太飽個肚腩咁大,又會減低曳曳嘅意慾。

6. 加兩滴酒精助燃愛火 戴定頭盔講句Drink Responsibily先。少少酒精係可以令緊張嘅心情放鬆一點的,而且對性事亦會無咁害羞,呢招最適合初相識嘅愛侶。 **注意:飲得太多會令床上戰鬥力減弱哦

7. 廚房乃重要戰場 想慳錢嘅話,其實係屋企食聖誕大餐都可以好浪漫。而且廚房真係一個好地方,無論係你煮緊聖誕大餐,或者佢洗緊碗,親密嘅事都可以隨時發生。嫌唔夠喉嘅話,再煲吓mulled wine或者整吓簡單嘅薑餅人曲奇,再來大戰二百回合。

8. 留意土地問題 睇咗咁耐先記得你倆各自同屋企人住,或者一早已經三年抱兩,聖誕夜竟然無地方纏綿?記得諗定一個浪漫嘅地方共度聖誕,要曳曳唔一定要喺酒店嘅。

Text > Lucy Lamb Photo > Internet