Santa Claus is coming to town！超萌的Kewpie 天使 BB登陸香港迎聖誕，除了可以同萌B影相之外，期間限定的「Kewpish Love 天使茶座 」還有可愛的甜品和飲品，準備好你的相機啦！ 
Kewpie 天使 BB 在黃大仙中心「Kewpish Love 天使茶座 」化身小廚師，製作可愛指數爆燈的特色美食，如 Kewpie 天使 BB 立體造型 Cupcake、曲奇和朱古力。食飽飽就記得走入巨型馬卡龍和Cupcake 盛宴場景，同穿上漂亮彩裙的 Kewpie 天使 BB 合照啦！
而樂富廣場就設置了「Kewpish Love 天空城堡」，Kewpie 天使 BB以不同的聖誕造型登場，baby 樂園內的童夢月亮搖籃和夢想天使南瓜車都是絕對不能錯過的影相位！而在「抱抱聖誕樹」下，捉緊薑餅人Kewpie 天使 BB 的雙手，可以亮起七彩燈飾，好warm啊！還有其他好玩的虛擬實景遊戲：「美食尋寶時光機」和「巨型搞笑畫冊照相機」，唔駛淨影相咁悶。
你屋企的BB都可以玩埋一份！鯉魚門廣場會舉辦BB爬行大賽，自問同BB夠合拍，就去參加比賽贏獎品啦！
親子活動推介還有啟田商場的Kewpie親子天使寶寶造型比賽，爸媽同囝囝囡囡可以天使造型大行Catwalk，齊齊玩！
想帶Kewpie BB天使返屋企？由即日起至2017年1月2日，只要在領展旗下40個指定商場消費達指定金額，就可以換領「獨家 限量版Kewpie BB天使」精美禮品，包括Kewpish Love造型的咕臣連被、手提袋、陶瓷掛飾和餐碟！數量有限，萌B等緊你！
Edit: Joey Chen