Hello Kitty一向深受小朋友和大人歡迎。唔少女士都被這隻無咀貓吸引住，就連索爆千金何超蓮都係佢粉絲！如果你都係Hello Kitty嘅fans，咁就唔可以錯過以下兩個可愛Kitty貓的聯乘系列。
 

意大利時尚潮牌GCDS，在今個夏天以K-HAWAII為主題，並特意找來Hello Kitty合作，一同打造充滿鮮艷活力和色彩的系列。
系列以可愛和時尚的造型為主軸，即使身穿Kitty大頭上衣亦不會顯得幼稚！說到系列中的搶眼單品，一定非大頭Kitty手袋莫屬。你可隨意配上同系的oversize T恤，或者白tee配牛仔褲同樣有型，十分百搭！
 

而另一運動品牌Reebok最近亦找來呢隻可愛Kitty 貓攜手合作，推出全新Instapump Fury及Club C別注鞋款系列。他們更特別邀請香港本地插畫家Zoie Lam擔任該系列的設計師，在大熱鞋款上增添色彩和趣味。
鞋款備有成人和小童尺碼，打造親子時尚穿搭和極具收藏價值的特別版專屬鞋盒。

設計師Zoie表示，希望該系列有一種耳目一新的型格形象，並同時保留角色的元素，所以用了Hello Kitty 的蝴蝶結為整體設計重心！鞋款會以Hello Kitty代表配色打造，白色鞋身配搭紅、黑色細節點綴，將可愛的Kitty 與鞋款合二為一，轉變成全新潮流玩味形象。

Zoie特意於Instapump Fury鞋面加入可拆式的紅色蝴蝶結，鞋舌和鞋墊均注入蝴蝶結暗花圖案，後跟位置繡上Kitty樣貌，成為隱藏的驚喜細節位。
而Club C就以白色皮革打造鞋身，於鞋頭和鞋跟位置注入紅色作點綴，黑白斜紋鞋帶搭配可拆式紅色蝴蝶結，加上毛巾材質內襯，舒適度十足。身為Hello Kitty粉絲嘅你，又點可以錯過這兩個咁可愛又特別嘅聯乘系列呢？