今年10月特別多事幹，中秋節剛過，除了粉紅革命關懷乳癌月之外，當然不少得重頭戲Halloween萬聖節！趁距離萬聖節之夜仲有時間，先睇睇香港各大商場今年Halloween有咩搞作，約齊朋友及一家大細去扮鬼扮馬玩餐飽！
銅鑼灣潮人食玩必去
今年銅鑼灣Fashion Walk同大家來個Styloween盡興，以希臘神話蛇女美杜莎(Medusa)化身為80呎長的巨型蛇魔，帶來「The Dance of Medusa」的主題活動。Medusa將不時於Fashion Walk出現，準備向各路型男美女挑戰「Snake or Treat」！
除了室內商場，Medusa更會利用3D錯視畫隱藏鬼魅深淵，各位型人不但要在煙霧瀰漫的室內商場避開迷離「蛇」洞，更要防範Medusa透過具面部檢測功能的詭異魔鏡發出的死亡目光，以免不幸「被石化」！
大家可參加Medusa於食街舉行的慶祝派對。當晚包括多款精緻小食飲品供應、DJ 表演、美艷面部彩繪等，人氣女子組合Super Girls更會出席一同慶祝萬聖節。食街多間食肆包括Coast Seafood & Grill、COEDO、Elephant Grounds、Marbling 及Wildfire+等，將推出多款迷惑潮人的萬聖節主題美食，包括以「蛇眼」點綴的紅桑子醬荔枝藍莓蛋糕及「喴瓜鬼叫」南瓜薄餅，讓顧客邊食邊受驚嚇！
Styloween「The Dance of Medusa」
地點︰銅鑼灣Fashion Walk
日期︰即日至10月31日
盡情暢飲酒鬼Bar
鍾意飲酒的朋友一定要去荷里活廣場的「醫」間酒鬼Bar狂歡暢飲！由變異同盟5大醉醺醺長老進佔「醫」間酒鬼Bar，誠邀膽識過人的勇者於10月29日及10月31日兩天參加「驚」喜之旅，5大長老早以話題材料調配好6款應節雞尾酒及無酒精特飲恭候大家。六大「醫」杯特飲包括「吸血鬼眼」、「一包見血」、「怪醫變身水」、「繃繃跳」、「毒舌之吻」及「巫婆老火湯」！
除了大人有得初飲，木乃「醫」更尋找接班人，小嘩鬼們有機會學習製作驚嚇造型的Cocktail或Mocktail，將鬼魅力量傳承開去。你想唔想親手製作「眼睛防腐劑」或「木乃『醫』古法腦漿」？而一年一度的調酒界盛事「香港調酒師大賽」踏入第九年，順利通過初賽的一眾高手將於10月29日Halloween當日，齊集荷里活廣場參加「第九屆香港調酒師大賽」，爭奪香港調酒師的寶座。一眾參賽者要以別出心裁的「哈囉喂」特飲「孝敬」各位長老。
荷里活「醫」間酒鬼Bar
地點︰鑽石山荷里活廣場一樓明星廣場
日期︰10月29日及10月31日
開放時間：3pm至8pm
旺角鬧市萬聖節派對
「萬聖大魔頭」黑暗企劃中的魔界舞者「骷髏白舞士」分別現身雅蘭中心、荷李活商業中心及家樂坊，而本地喪屍團體「Zombies Paradise」將於三個商場舉辦喪屍體驗工作坊，與市民一起以最驚嚇妝扮參與旺角鬧市的萬聖節派對。
家樂坊夥拍本地著名型格咖啡店「辦館」大玩新意，首次於旺角鬧市舉辦「辦館Halloween Pop-Up Gala Place」萬聖節期間限定店，提供多款特色輕食、特飲及本地手工啤酒，包括沙嗲安格斯牛肉漢堡、出前一Dog熱狗、朱古力棉花糖厚多士、萬聖節草莓特飲等。更會獨家推出萬聖節別注版Festbier手工麥啤。
鍾意照相的朋友要去雅蘭中心的魔頭拍照專區化身為「萬聖大魔頭」，於巨型電子屏幕中與魔共舞，即場分享魔頭照片至個人Facbook或Instagram更可獲贈禮品。
「萬聖大魔頭」黑暗企劃
地點︰雅蘭中心、荷李活商業中心、家樂坊
日期︰即日至10月31日