小王子Prince Geroge剛剛4歲生日，大家都覺得佢好可愛。其實佢妹妹兩歲大的小公主Charlotte一樣超可愛。佢經常笑容滿臉，仲經常同媽咪王子妃Kate Middleton低調地穿母女裝，感覺統一，又有親切感！各位媽媽，其實真係要偷下師，唔好再次次同個囡囡一大一小倒模一樣著出街，學下Princess Charlotte和Kate Middleton咁襯法，影相效果超好呢！

可能大家未必會好留意，皇室家庭始終係貴族身份，佢哋既衣著打扮其實係有專人悉心襯過。所以每次皇室一家有重要活動或場合時，佢哋既服裝都有一種統一感，除了在顏色上的巧妙配搭外，在款式上都配合得好和諧，唔係亂襯架！如果大家有留意，Princess Charlotte與媽媽Kate最常見是藍調及粉紅調的服裝配搭，唔知係咪Kate的主意呢？但其實Kate對顏色沒有特別偏好，不過如果要她選擇，她會選擇白色啊！
小公主幾個月大時，媽媽Kate Middleton以淺黃色ruffles裙配襯米色禮帽，而小公主Charlotte則穿上米黃色蕾絲裙，除了顏色matchy-matchy外，蕾絲的質料與媽媽的禮帽頭飾也來一個小呼應。今次Kate以米白色的套裝示人，而她頭上的禮帽裝飾了一朵淺粉紅的花，而這淡淡的粉紅正好跟小公主的淺粉紅裙子襯上了！其實小公主Charlotte一身的粉紅裝束也是matchy-matchy，連小髮夾及小鞋子也是粉紅色，tone on tone呢！這次是他們一家到訪加拿大，落機時既打扮。Kate的深藍色one-piece裙襯同色禮帽，而小公主則以粉藍色碎花裙上陣，而她小腳上的藍鞋子，跟媽媽的裙子色調更是十分合襯，這次藍調的母女裝很是亮眼！除了藍色外，小女孩最合適的當然是粉紅色。在今年一場慶祝英女皇Queen Elizabeth 91歲大籌的慶祝活動上，Kate Middleton穿上了Alexander McQueen的bubble gum粉紅色skater dress，配上Jane Taylor的帽子及teardrop耳環；而她的mini-me looked小公主則以可愛的粉紅波點裙、小白襪及酒紅色的Mary Janet小鞋子及小髮夾，來一個可愛配襯；如果大家再細心留意，其實小王子Prince Geroge都穿上了一條酒紅色的吊帶褲，同妹妹對鞋及髮夾都襯返架！Kate Middleton的妹妹Pippa Middleton的婚禮上，可愛小公主又一次跟媽媽來一個母女親子look。Kate那一襲優雅的淡杏色裙，也是來自Alexander McQueen的，頭飾來自Jane Taylor，而閃爍的耳環則是Kiki McDonough的耳環，配配一對Gianvito Rossi的高跟鞋。而小花女Charlotte的奶白色裙子是來自Pepa&Co，加上她的白色碎花頭飾，真係超可愛。大家再睇真啲，Charlotte的腰帶顏色係襯返媽咪Kate的裙子架！剛剛的7月，威廉王子一家又到訪其他國家。他們這次是由波蘭的華沙去到德國柏林。2歲的小公主以darling blue碎花裙子配深藍色鞋子及同色bow髮飾；而媽媽Kate就襯返佢，著上藍色的褸裙，端莊大方。除咗顏色上的襯色外，款式的相襯度對於母女裝來說也很重要。就像這次小公主的棗紅小外套及小鞋子配懷舊碎花裙，雖然跟媽媽身上的米色不是同一色調，但兩套裝都是Peter Pan round collar，款式都是帶點vintage味道，所以就算不是一樣顏色，感覺都很合襯呢！找亮點！今次皇室一家都係經過悉心配襯架！媽媽Kate身上的啡紅色大褸上飾有棗紅色 fur collar，而她手上的棗紅色clutch也正好跟小公主的冷襪子同色；小公主的navy blue絨褸正好跟爸爸的大褸一樣顏色，而威廉王子的領呔也是棗紅色的啊！似乎只有一臉茫然的小王子Geroge最唔襯？睇真啲，小王子的長褸款跟爸媽是差不多的，而他的大褸是grey襯navy blue，還有他的長襪也是navy blue，跟爸爸是一樣穿上黑皮鞋。咁樣先係一家人的家庭裝呢！