史上最讚好橋之一：每個值得紀念的日子用一粒charm記下。完成了一個project，買粒；畀Honey激親心情低落，買粒；見到造型可愛的，買粒；儲儲下，相信不少女仔都有不下十多二十粒charms。男人話charms係港女至愛，其實同女仔買鞋買手袋的原理一樣，（要送禮的）男人嫌貴，到底上萬蚊的東西對一般打工仔來說是一種要供的概念，咁揀便宜的銀飾品，作為我和你之間某個特別日子的記認，又可一齊慢慢砌出我們專屬的款式，不用你掏空腰包送禮，其實港女很體貼！因為喜歡「蒐集回憶」而受嘲諷，港女對此表示無奈。

而家我唔鍾意戴到一手charms，重到不能好好打字/寫字。看了朴信惠在《Doctors》中戴了條小頸鏈，迷你吊嘴剛好落在鎖骨位置，超性感！自此感覺只戴一粒的骰小charm更精緻，剛好兩大銀飾品牌Links Of London及Pandora新推出聖誕吊飾系列，可愛度爆燈，你絕對不能錯過！