狗是人類最好的朋友，即將又是狗年，各位狗迷實在歡喜，事關不少品牌推出以狗仔為主角的新年系列，搶眼又可愛，又點可以唔買來收藏？

Anteprima立體小狗

如果你喜歡柴犬、貴婦狗及法國鬥牛犬，又或你的愛犬咁啱又係呢幾個品種，不妨買返個同佢一樣既手袋，拎住手袋上街，或同愛犬一齊walk，肯定成為焦點！Anteprima Wirebag的3D立體狗狗系列就有貴婦狗、法國鬥牛犬和最新加入的柴犬款式，超真實，真係可愛到暈！另外仲有半立體袋款，運用嵌花和緹花技術以人手編織在2D的平面wirebag上，神態栩栩如生。拎住呢個手袋去拜年，肯定利是都逗多幾封。

ETRO富貴主義

狗的品種很多，不過予人高貴又優雅的狗仔，一定非貴富狗莫屬。有名你叫「貴富」，當然貴氣逼人，所以ETRO特別以貴富狗作主角，以Paisley的印花與東方傳統生肖結合，推出9款狗年春節限量版單品，如披肩、絲巾、手袋、銀包、T恤及男裝tie及方巾等，分別用上紅、粉紅或藍紅色，夠晒應節。

Cath Kidston趣致臘腸狗

貴富狗不是你杯茶？那麼臘腸狗Dachshund又如何？英國品牌Cath Kidston間中也有狗仔圖案系列，今次特別推出臘腸狗系列應節。而且臘腸狗圖案十分活潑，不同小狗動靜與形態也活現於系列上，以深藍色作為主要背景色調，並有不同的配飾款式選擇，如銀包、ticket holder、luggage tag、jumper、手袋、雨傘、襪子和瓷杯等，十分多元化，相信狗迷一定會愛不釋手。

Vibebrequin刺繡限定版

一般過春節後就是回暖的時候，泳褲名牌Vibebrequin無獨有偶，也以臘腸犬為主角，推出限定期間發售的特別版短褲，短褲以海軍藍色為主調，並刺繡上手繪金色臘腸犬圖案，這款式分別有男裝泳褲、男童泳褲及女裝短褲。

Longchamp玩味小腳掌

唔一定要成隻狗狗放上袋先可愛，好似Longchamp咁，就以經典的羊皮折疊包配上一雙狗掌圖案，而小腳掌更是半立體，十分可愛！這個 “The Year of The Dog” 系列除了cool cool的黑色外，還有浪漫的粉藍及粉紅色，備有羊皮折疊手袋款及小型手拿包，手拿包都好實用，足夠收納鑰匙、信用卡、化妝袋、旅遊証件及手機等。

Tod’s 小腳印走天涯

小狗腳掌唔單止在手袋出現，也出現於Tod’s為慶祝中國農曆年的限量slip-on sneaker上。全白的鞋身，以紅或藍色波浪邊點綴，配以T型金屬扣，在鞋墊上更印有狗腳印，代表著狗年的出現。低調得來又應節的設計，聰明！

Tod’s limited edition slip-on sneaker

Victorinox萬能狗

除了衣服配飾，連瑞士軍刀品牌Victorinox都推出狗年限量系列。Victorinox每年都會推出12生肖限量版生肖瑞士軍刀，即將是狗年，當然到狗仔出場，以「金犬呈祥報旺年」為題，打造富有吉祥寓意的狗年瑞士軍刀限量版，全球限售8888套，香港配售340套。