好多時為了增加收視，吸引觀眾，「男扮女」成為一個吸睛的「元素」，尤其是在綜藝節目中，以「男扮女」做搞笑環節，真係冇得輸！好似《荃家福綠壽》或元祖綜藝節目《觀樂今宵》都是最好的例子。還有不少經典港產電影，尤其是一些賀歲片或笑片，也有不少以男星扮女人的橋段，一樣抵死惹笑。不如我們就來重溫一些男扮女最出色的演員及造型吧！不過如果大家留意一下，扮得靚果啲都係大眼的啊！盧海鵬
要講到男扮女人的鼻祖，一定非盧海鵬莫屬。盧海鵬的肥姐及小鳳姐造型，真係維妙維肖，就算接近70歲高歲也十分好玩，居然扮性感周秀娜，真係好搞笑！
王祖藍
王祖藍在《荃家福綠壽》中也經常以女人扮相出場，佢雙腿好纖幼，脫埋毛之後，真係滑過女人啊！加上佢生得唔高大，所以扮女人更加容易。

阮兆祥
阮兆祥與王祖藍一樣，經常《荃家福綠壽》中扮女人，佢扮身形肥大女人特別似，因為佢本身的圓面圓身，所以扮「盧覓雪」儼如兩姐妹，仲一起拍廣告搵真銀！其實佢惡搞女政客、Mei- Ling都好抵死！
羅志祥
小豬羅志祥可以說是台灣男星中扮女人最出色的一位，她的女裝扮相深入民心，這是因為他參加了真人秀《極級挑戰第二季》扮起女人來，飾演一位蛇蠍美人「朱碧石」，結果一度成為網紅，甚至有廣告邀請他男扮女扮廣告！

鄭中基
鄭中基扮女人又是一絕！佢出色在似「大媽」，當然與「美女」無緣，但佢扮女人又的確吸引了一班粉絲，大家都鍾意佢扮女人夠搞笑。佢在電影《行運超人》中著旗袍扮女人的造型，真的十分經典；而《龍咁威2003》中的女人造型一樣吸搶鏡。

張衛健
張衛健雖然近年少在香港出現，但他扮女人的美貌，真係幾索下！分分鐘靚過好多女人，以前他在tvb也扮過女人，在2005年內地的電視劇《小魚兒與花無缺》中也為了追求小仙女假扮女人，造型十分嬌俏可愛。
歐瑞偉
KC歐瑞偉近年因處境劇《愛‧回家之開心速遞》而上位，尤其是係佢扮女人的造型，令人印象深刻，好多人都話佢扮女傭零違和感，不過之前扮美之女戰士個樣，真係嚇壞人，話雖如此，至少大家都對佢印象深刻咗，而且完全無反感。

其他男扮女的明星造型：
要重溫，當然要睇多幾個造型先夠喉，其實好多出名的男明星，其至影帝都扮過女人！有周星馳、梁家輝、成龍、林志穎、張國榮、陳小春、古天樂、胡兵、吳尊等。