女人鍾意買嘢，尤其係搵到抵買筍貨更高興，所以每年Sogo Thankful Week (崇光百貨感謝周年慶) 就係血拼好時機。各大品牌的美容護膚品可以半價或4折入貨，而且samples多多，就算排長龍都要去。想掃平貨就要目標為本，一向精打細算的美容編輯精選出10款性價比高的筍貨，姊妹們入場前mark低心水，咁就可以一擊即中喇！

 

Sogo Thankful Week崇光百貨感謝周年慶

第一擊︰2017年5月12日起至5月21日 
第二擊︰2017年5月22日起至5月28日 

人氣斷貨王YSL唇膏

因為全智賢的《星星》熱潮，YSL唇膏的人氣度一直有增無減，某些熱賣顏色更經常斷貨，今次必買！YSL Beauté 唇色美妝套裝包括︰迷魅亮彩唇膏#12、迷魅亮彩唇膏#45、明彩細緻修飾底霜10ml、YSL Beauté化妝袋。

優惠價HK$590 (原價HK$820) *只限銅鑼灣SOGO  

半價買Shiseido活肌組合

OL最愛的Shiseido一向熱賣，今次多款套裝中，首推基本護理及深層修護都齊備的Ultimune紅妍肌活精華組合，包括︰紅妍肌活精華75ml及15ml、眼部精華5ml、Vital-Perfection全效無痕美白健膚水75ml、Vital-Perfection全效無痕修護潔面泡沫30ml及Vital-Perfection雙重抗皺修護膜1對。

優惠價HK$1,050 (總值HK$2,000) *只限銅鑼灣SOGO  

45折極抵買Valmont

Valmont產品出名好用，平日一瓶50ml更新煥膚面膜都索價$1800，今次30ml裝連用其他6件護膚品亦是同樣價錢，45折唔係唔買呀嘛？
皇牌護膚體驗套裝包括︰淨之泉潔膚乳100ml、生命之泉潤膚露100ml、活力鎖色亮彩髮絲噴霧30ml、臻白勻亮防曬乳液SPF50 15ml、升效更新煥膚面膜30ml、水潤補濕精華乳5ml及升效水凝日夜補濕霜15ml。

優惠價HK$1,800 (總值HK$4,020) *只限5月17日於銅鑼灣SOGO  

IPSA必買遮瑕組合

IPSA的No.1 Concealer一盒有齊3種顏色，真係好方便使用，今次優惠套裝仲有齊防曬霜及潔面產品，抵！三色遮瑕組合包括︰零瑕修飾遮瑕霜EX SPF 25 PA+++ 4.5g、全效修護防曬精華日霜SPF50 PA++++ 9ml及明淨亮肌磨砂面膜 15g。

優惠價HK$350 (總值HK$400) *只限銅鑼灣SOGO  

精選Sofina土台美容液

早前推出不久已經全城熱賣的土台美容液，今次優惠套裝集齊護膚及啊底妝產品，的確幾抵！土台美容液輕薄無重底妝套裝包括︰土台美容液、清爽卸妝油、防曬底霜及粉底。

優惠價HK$882 (總值HK$1,310) *尖沙咀及銅鑼灣SOGO  

37折Laura Mercier彩妝組合

Laura Mericer除了底霜出名，化妝品亦是皇牌之選。今次只需37折價錢就可以買到輕巧完美彩妝組合，彩妝盒子以兩層設計，上層盛載3款單色眼影，適用於眼線、眼窩及眉骨位置。以及1款密貼眼線膏，能塑造眼部彩妝；下層有胭脂及修飾輪廓的古銅粉餅及迷你唇彩。

優惠價HK$200 (原價HK$540) *只限尖沙咀SOGO  

超豐富Clarisonic套裝

美國No. 1的聲波深徹淨膚儀一向都有不少香港用家，趁減價快手入貨就最精明。Smart Profile Uplift淨膚儀刷頭套裝包括︰淨膚儀 (兩年產品保養)、深層潔淨刷頭、藍鑽緊緻速效修復精華5ml (2支)、藍鑽緊緻滋養蜜霜5ml、深層潔淨潔面啫喱30ml、深層潔淨潔面啫喱177ml及化妝袋。 

優惠價HK$2,734 (原價HK$4,126) *尖沙咀及銅鑼灣SOGO  

眼部抗皺必備Estee Lauder

Estée Lauder的ANR系列是人氣熱賣貨，今次低於半價推出Advanced Night Repair皇牌修護眼膜及眼霜套裝，包括︰升級再生基因修護眼霜15ml、再生基因瞬亮修護眼膜8片、升級再生基因修護露7ml、升級眼底導入基因修護精華露4ml、升級再生基因修護眼霜3ml、升級新生活膚全能輕盈面霜15ml、微分子潔面泡沫30ml、微精華原生液15ml、微精華原生導入面膜2片及速效舒緩眼膜2片。
 
優惠價HK$970 (總值 HK$1,935) *只限銅鑼灣SOGO  

 

亮眼優惠Lancome

女人一定要護眼！Lancome的眼部護膚精一向有口碑，冰鑽眼部精華套裝包括︰升級版冰鑽亮眼肌底液20ml、舒緩抗壓保濕啫喱霜15ml、舒緩抗壓保濕精華素10ml、舒緩抗壓保濕露50ml、嫩肌活膚精華面膜1片、升級版嫩肌活膚精華肌底液7ml。

優惠價HK$630 (總值HK$1,491) *尖沙咀及銅鑼灣SOGO  

Text︰Joey Chen