唔知大家又有無見過「牛咁嘅樣」，有齊牛角、牛蹄嘅多啦A夢 (叮噹) 呢？多得有童心未泯嘅 Gucci 創作總監 Alessandro Michele 趁著辛丑牛年將至，率領 Gucci 與多啦 A 夢合作推出 Doraemon x Gucci 農曆新年聯乘別注系列!

聯乘系列中無論係 Gucci Epilogue 系列還是用上新版 GG Supreme 帆布作設計的手袋及配飾，均分別有經典藍色造型及「牛年」造型的多啦 A 夢之款式，後者多啦 A 夢換上充滿喜氣的金色，頭上綴以兩個小牛角，依然不失可愛。

Doraemon x Gucci 系列中一眾印上多啦 A 夢的新版 GG Supreme 帆布手袋、小型皮具及帽子。藍色或啡色多啦 A 夢碎花或單個圖案與經典 GG 品牌圖案竟然配合得毫無違和感，只能說人見人愛的多啦 A 夢實在「百搭」，另所有產品綴以紅色皮革飾邊，流露出復古感覺。

為配合系列的推出，Gucci 特別在海港城開設 Doraemon x Gucci Pin 期間限定店，當中有兩款手提箱只限於店內發售。

小編今日係 Doraemon x Gucci Pin 開幕第二日的黃昏時間造訪，期間限定店已經出現人龍，有興趣入手系列嘅朋友同多啦 A 夢粉絲記得早啲去喇! 而就算唔買嘢，係「隨意門」前面同作牛牛扮相的多啦 A 夢打個卡影張合照一樣開心!

Doraemon x Gucci Pin 期間限定店
地點：尖沙咀海港城 Atrium ll
日期：即日至 2 月 21 日