最近Hello Kitty成為優雅既代表，因為無口就唔會好似麥明詩咁擘大口食野咁失儀。其實Hello Kitty可塑性極高，除左cutie又優雅，仲可以好時尚，最近為慶祝日本知名百貨公司伊勢丹130週年，Hello Kitty跟賣低調和風的牛仔品牌45R推出聯乘系列，話明走文青路線，設計當然不會大大個Kitty公仔咁唔subtle，Hello Kitty尤如捉迷藏般藏身於各種45R經典單品中，由招牌馬比古上衣、藍染牛仔褲，至飾品如bandana方巾、手挽袋及蝴蝶結形狀的扣針，處處皆見Hello Kitty的蹤影，卻又唔會太少女，最岩走小清新路線的文青一族。