有follow開蔡瀾嘅話，都知道呢位食家對越南牛肉河的鍾情，佢話「天下喜歡吃東西的人，最終都會愛上一碗越南牛肉河粉。」曾經去過越南，隨便在街邊一家越南粉坐下來，5元港幣已經可以享受到一世難忘的美味。不過蔡san話越南人漸漸唔再重視Pho，所以佢走遍南北越，都搵唔返嗰碗令人上癮嘅越南Pho。最離奇嘅，係竟然畀佢喺澳洲搵返呢碗完美嘅牛肉河。

遍尋南北越、法國和美國，蔡san最終在澳洲墨爾本的勇記重新發現那碗最完美的牛肉Pho。「一試便知，那碗牛肉河的湯頭至少用上50公斤新鮮牛骨和牛肉，加上一大堆香料長時間熬製，才會散發哪種清甜味道，當然，精準拿捏火候亦非易事。」

為了這碗牛肉河，蔡san先特地在深圳成立一間5,000呎的實驗廚房，多次邀請勇記老闆和他的團隊過來長時間指導，從牛肉和牛骨的比例，到香料的配合、魚露的調味等等，要在50公斤以上的大鍋中不斷試驗，才調製出在澳洲勇記那最理想的獨特鮮味。

秉持蔡san對美味的追求，專門店的食材有8成都是進口，包括越南大米、日本和牛及澳洲牛骨，而蔬菜方面更採用了以外太空種植技術生產的太空蔬菜，製作出勇記最原始的味道。

每日鮮製 全港獨家河粉機　
一般的越南河粉專門店用的是進口貨，就算來源更好在運輸過程中總有味道和韌度的流失。有鑒於此，蔡san團隊竟然自己砌出一部製粉機，在店內每日現造現煮新鮮河粉。傳統河粉機屬於大型設備，蔡san團隊花了22個月的研發和改良，縮小尺寸才能置於餐廳內，讓顧客見證新鮮河粉的全個生產過程：大米浸泡至軟，石磨磨成米漿再蒸熟、切割──蔡瀾Pho更是全港唯一一家Pho專門店自家製造越南粉。

令人上癮嘅Pho之外，裝修當然都唔會馬虎。蔡san今次搵來著名日本空間設計師 JO NAGASAKA主理，以原木色為主體，配合開放式的廚房設計，令你享受著自然光歎上美味Pho。仲有結合咗越南傳統花紋同現代簡約元素的獨家餐具，聽聞仲有人體工學設計添，餐具都玩到咁專業，得閒要去開下眼界喇。

蔡瀾Pho
地址：香港中環威靈頓街15-25號地舖
電話：2325 9117
營業時間： 8am – 12mn
網址：www.facebook.com/ChualamsPho

Edit: Goosie