雪糕月餅試過？榴槤月餅都試過？奶皇月餅無新意？當新興月餅年年如是，變成舊有口味，不如今年試下Vivienne Westwood Café首度推出的朱古力月餅，朱古力粉絲又可以趁著節慶大快朵頤了！
全新的朱古力月餅以紅色正方形禮盒包裝，加上啞色燙金標記，送禮都大方得體。四個裝禮盒有兩款口味的手工月餅，分別由黑朱古力和牛奶朱古力製成，照顧晒喜愛偏苦或甜朱古力的你。黑朱古力月餅以63%德國黑朱古力混合原粒開心果，再配上紅桑子脆粒調製，最適合平時鍾意食果仁朱古力的朋友。另一款由牛奶朱古力製成的月餅，選用德國朱古力和美國士多啤梨，加入可可脆米，推介予喜歡水果又怕膩的朱古力迷。

心郁郁想試？7月25日至8月14日有早鳥優惠！原價每盒售價$465，優惠期間$388一盒。

此外，8月2日至9月15日期間於Vivienne Westwood香港分店購物滿$8,000，可獲贈朱古力月餅禮盒一盒，數量有限，送完即止。絲打們又有藉口shopping了！

月餅售賣點： Vivienne Westwood Café
尖沙咀海運大廈OT305A號舖

Text: Tiffany Fung