【國際七欖】Rugby 7今年繼續玩轉香港必吃雞蛋仔仲有狂歡派對

[embedyt]https://youtu.be/WdQbtR66gZc[/embedyt]

一年一度香港國際七人欖球賽又來了（4月6日至8日），喜歡欖球的當然要撲飛啦（今年啲飛貴咗呀，4月要勒緊褲頭節衣縮食喇），就算唔特別喜歡rugby，都無可避免會投進呢一陣欖球狂熱節日氣氛。皆因大球場南看台嘅party將會向場外無限延伸，首站梗係利園商場。
【國際七欖】Rugby 7今年繼續玩轉香港必吃雞蛋仔仲有狂歡派對

「國泰航空/滙豐香港國際七人欖球賽」FanWalk – 4月6日至8日

載譽歸來的利園FanWalk，會與3天HK7S賽事同期舉行，就算買唔到飛入場， weekend到銅鑼灣欣賞一班表演者、街頭藝術家、音樂和賣藝者的表演，拍拖或家庭樂都啱玩，唔使特登諗節目，幾正呀。

七欖復活玩 (Easter Rugby-Mini Rugby Clinics ) – 3月30日至4月2日 10am – 2pm

除咗利園FanWalk，行前少少Hysan Place希慎廣場4樓，將會有一眾本地欖球教練同埋海外球隊的特別嘉賓主持欖球教室，畀年青人體驗一下欖球嘅樂趣，學習基本功。

利園雞蛋仔藝術節．七人欖球升級版（EGGsentially ART! , Rugby Edition）– 3月30日至4月2日

同樣載譽歸來嘅雞蛋仔節，今年規模更大，而且雞蛋仔檔嘅陣容亦更鼎盛。Seasons、媽咪雞蛋仔、家香、滿屋雞蛋仔、恆發雞蛋仔、摩芽雞蛋仔、BB雞蛋仔、甜甜味x嘉嘉餅店、森Sumore、Ice Puff、辦館LOF10 Bar Dining、茶作tea-ed TEA等10幾間特色餐廳同雞蛋仔專門店中，更有兩款極具香港特色嘅口味。

另外，著名港式餐飲品牌金茶王陳子平師傅盛勢加盟，讓市民欣賞沖泡奶茶的過程。城中名廚余健志（Jacky Yu）將親臨現場作廚藝示範；飲食文化策展人葉子騫（Edward Yip）亦會利用特製模具與市民一同炮製欖球形雞蛋仔。

電競擂台（E-Sports）– 4月3至8日

希慎廣場4樓將化身為NBA 2K18 和FIFA18的比武之地；DJI 也會舉行嶄新的航拍機飛行比賽。部份欖球員也會參戰，比賽於4月3至6日進行，4月7至8日舉行淘汰賽，而4月8日上演決賽。

Wolfpack忍者錦標賽（Wolfpack Ninja Championship ）– 4月6至8日　

由兩位前美國著名忍者創立的「Wolfpack忍者錦標賽」參照類近的大受歡迎美國電視節目，其目的是讓6至16歲的參加者爭奪「香港最強忍者」之榮耀。這錦標賽與美國Wolfpack公司(http://wolfpackninjas.com/)協辦並精心設計出不同的障礙挑戰。4月6至7日舉行計時預賽，決賽將於4月8日上演。挑戰賽場地選址利園一期對出一帶(該處在賽事週末將劃為行人專用區)。活動當日即場報名參加，名額有限，先到先玩。（大會期望盡量讓更多參加者一試身手!)