《臥底巨星》陳奕迅動作笑片夠搏夠地道
《臥底巨星》的陳奕迅和李榮浩被網民稱為「年度最具娛樂性組合」。Eason大爆：「呢部戲絕對充滿香港味道，笑位地道又密集。為咗演好功夫巨星元豹呢個角色，開拍前特登提前接受魔鬼訓練，拍攝過程中不單只近身肉搏、高空激鬥、爆破、跳樓輪住上陣，每日大傷小傷，仲要應付高難度的訓練和動作拍攝，拍攝嗰兩個月暴瘦咗20磅！」
Eason在製作花絮表示，被Chris Collins打到飛起：「本身心存僥倖，覺得唔需要帶保護裝備，出拳後定住收返個力就得，點知原來最後都會成身瘀晒！」更向鏡頭展示手臂的瘀傷，笑指瘀到好似假咁；雖然被打到周身傷，但Eason話寧願被打都不願打人，有幕打鬥戲Eason就唔小心打到武行師傅，即刻好緊張變了「苦瓜乾」樣：「打人係好得人驚，雖然係做戲但我都好怕傷到人，好危險。有得揀我都係會揀被人打。」
而成功打造出陳奕迅這位「武打巨星」，武術指導洪金寶愛兒洪天祥(Jimmy)可謂功不可沒：「今次拍攝最難嘅地方係要令本身兩個唔識武打嘅人（陳奕迅、李榮浩）睇上去要似『好打得』，但佢地學習能力好高；Eason好勤力，對自己要求好高，有時我都收貨佢都會話嚟多take，想再做好啲！」不但Jimmy大讚Eason， 連李榮浩都話Eason打到好似有替身咁：「有次看見導演剪片，我就問那個人打得這麼快是不是替身，原來是Eason！」
戲中唔識打的Eason有不少損傷，連有武功底子的陳國坤（小龍）都不能避免「中頭獎」，硬食了身穿「斗零踭」的李一桐一腳。身邊工作人員大為緊張，立即檢查傷口再敷冰袋。但專業的小龍鬼馬地對鏡頭做斗雞鬼臉，笑指：「經過頭槌嘅洗禮，我已經控制唔到自己嘅眼睛。」
.JPG "《臥底巨星》陳奕迅動作笑片夠搏夠地道")
戲中唔識打的Eason有不少損傷，連有武功底子的陳國坤（小龍）都不能避免「中頭獎」，硬食了身穿「斗零踭」的李一桐一腳。身邊工作人員大為緊張，立即檢查傷口再敷冰袋。但專業的小龍鬼馬地對鏡頭做斗雞鬼臉，笑指：「經過頭槌嘅洗禮，我已經控制唔到自己嘅眼睛。」
今次《臥底巨星》成功令大家留意到原來Eason都可以做「武打巨星」，繼阮大勇師傅海報發放後，再同步推出「武林至尊版」海報，見Eason露兩點赤裸上身紮馬練功，李榮浩就喺佢身旁倒滿碗內的水。是次海報由Sunny Lau設計，他參考了很多70及80年代的賣座動作電影海報：「我同導演都研究過，嗰個時期嘅海報都比較著重主角，個樣好搶眼，所以設計咗呢款海報；希望由海報到電影都可以帶返好多集體回憶俾觀眾！」（1月18日上映）
Text: Lam Wing Kee