運動既可以減脂操肌，某啲動作仲可以令愛愛過程更得心應手。以下幾個看似普通的練習，可以home workout添，每日練習半個鐘，唔單止令身體更柔軟，仲可以提升高潮質素呀。

Bridge 橋式
重覆20次
啲人成日都話男人條腰好緊要，其實女人條腰一樣重要。Bridge可以練到core、pat pat、下腹同大腿，日子有功，你會發現就算最傳統的傳教士體位都變得好過癮。

 Hydrants 跪姿屈腿抬腿
每邊10次
抬腿時記得收緊腹部核心肌肉和pat pat，提腿要有咁高提咁高，咁先可以練得一身柔軟擘髀功夫，對狗仔類體位大有幫助。

Side Lunges 側弓步
每邊腳做10至20次
弓步可以大大提升雙腳及髖關節的柔軟度，以後用任何體位都可以找到G點。

Supermans 超人式 
連續做30秒
我諗唔使我多講，大家都知敦倫最需要核心肌肉。呢個超人式睇落容易，實情每一下都練緊你個core，另外，成日低頭按電話，腰骨好易有毛病，呢個動作都可以幫你慢慢改善輕輕拗返正，對於強調下身擺動的體位就最有益喇。

upward facing dog 上狗式
維持約30秒
這個看似簡單的瑜伽動作，既能強化核心肌肉、腰肌與骨盆底肌，增加髖關節的柔軟度，而且更能增加流向骨盆的能量與血液。做完上述動作後，以上狗式收尾，仲可以舒緩返腰腹嘅緊張添。

Hands Plank > Forearm Plank 手撐平扳 > 前臂平板
重覆20-30次
如果你係主動型嘅女生，除咗下半身，上半身嘅鍛鍊同樣重要。由手掌轉到前臂的平板支撐，除咗令核心肌肉更有持久力，亦提升身體穩定性，所有女上體位都好需要呢啲元素架。

Kegel exercise 收陰肌
幾時得閒做下都無妨
想要better sex，當然也要收陰，而最簡單嘅修陰方法，就是好似急尿尿咁夾緊陰部。每論喺Office睇緊呢篇文，定係喺餐廳等緊main course都可以做。夾緊之後維持6至10秒，放鬆返6至10秒為一次，有助維持陰道肌肉的彈性。記得一定要夾緊放鬆交替做，如果練齋夾緊，日子有功可能會令陰道肌肉強如老鼠仔，而個人都係prefer有如口腔嘅柔軟濕潤。

Text: Lucy Lamb
Image: Internet