/
/

萬聖節商場玩

今年萬聖節遇正周末假日,梗係要出去熱鬧一下。唔想去蘭桂坊同人逼餐死,可以考慮去各大商場的萬聖節活動。睇睇以下精選活動是否你心水!

 

 

「淘大商場 x 林祥焜 Halloween Punk Rock Party」

本地跨媒體創作人林祥焜為商場設計Skull Elphonso主題裝置,變身為Punk Rock嘩鬼樂園。場內設置六呎高的Skull Elphonso,將手持萬聖節木偶,以搖滾巨星形象出現。同時舉行林祥焜首個個人珍藏搪膠作品展覽,包括全港獨一無二之Punk Rock Cow Mui手辦搪膠玩具及極度罕有的白色皮褸版MiniElphonso。一眾Punk Rock嘩鬼將於10月24、25、31日,現身淘大商場派發萬聖節糖果。

日期︰即日至10月31日
地點︰九龍灣淘大商場
著數︰商場引用嶄新iBeacon技術探測感應定位,只需下載「搞鬼屍人寫真」互動手機應用程式,並啟動藍牙功能,於場內多個「搞鬼熱點」搜捕一眾Punk Rock嘩鬼合照,即可免費換領禮品。

 

 

「萬聖節屍人派對」

唔敢去實景鬼屋挑戰謄量,可以利用「搞鬼屍人寫真」互動手機應用程式,於雅蘭中心內多個「驚嚇熱點」捕捉喪屍拍照。場內以恐怖餐廳為主題之「驚變喪屍照相館」,透過人臉辨識技術,只需以智能手機免費下載程式並啟動藍牙功能,手機瞬間變成至潮「屍」人偵測器。若嫌虛擬喪屍未夠驚嘛,一眾餐廳喪屍將於十月24、30、31日現身大跳快閃舞,現場更會派發萬聖節限量版特製血手指馬卡龍及主題曲奇。

日期:即日至10月31日
地點:雅蘭中心地下
著數︰懣任何雅蘭中心消費收據,即可免費參加以恐怖餐廳為主題之「驚變喪屍照相館」。利用人臉辨識技術,化身驚嚇喪屍與朋友自拍,將照片上載至雅蘭中心Facebook專頁,即有機會贏取獎品。

 

Text︰Joey Chen