[embedyt]https://youtu.be/JgRjche16c8[/embedyt]

你排咗隊未呀？如果你係LINE FRIENDS或者BTS的fans，就要留意今晚9pm全港最大、第三LINE FRIENDS Store於觀塘apm正式開幕！今次呢間LINE FRIENDS Store除咗有成4,000千呎，Mega Brown當然會坐正門口等大家，另外仲有全港「獨有」專區，例如引頸以待的BT21專區、LINE FRIENDS Snack Bar、LINE FRIENDS各式產品專區及多個selfie位等。一早已經有fans排隊等攞今晚「BT21專區體驗及購物入場券」，首晚只派發88個入場券！不過估計可能足以掃清大部分BT21產品呢！我哋就帶大家入去率先睇先啦！

LINE FRIENDS Special & Snack Bar

當然本身係LINE FRIENDS的粉絲，來到全新LINE FRIENDS apm店也不會失望，呢度有齊LINE FRIENDS的各類精品，仲有特別為新店而設提早開售的春夏時裝系列；當然最吸引的就係全球首創的Snack Bar，以簡約時尚酒吧型設計，提供各種Line Friends經典暢銷包裝小食，與及即將推出、全新香港獨有樽裝特式飲品，如冷壓咖啡，喺度嘆杯飲品，同Brown & Sally影張合照，真係心情都變靚啲！

朝聖BT21專區

由BTS防彈少年團與LINE FRIENDS聯乘的BT21系列，於韓國被瘋搶，上年12月在全球多個城市限量開售也反應熱烈，聽聞韓國已經一早售票員！今次是為了慶祝香港apm店開幕，首次於大中華及東南亞區發售BT21產品。BT21是由BTS防彈少年團成員自家設計的角色，每個character都代表每個不同成員，而多出來的一個原來就是代表「粉絲」，意思是BTS與fans的關係好親密，咁冧，梗係多fans支持啦！產品之中最受歡迎的就是BT21可愛臉部cushion（(30cm/42cm)），攬住自己偶像(化身的卡通公仔)喎，當然係粉絲的終極願望！另外還有毛公仔、拖鞋、睡眠眼罩、手袋吊飾、鎖匙扣、頭箍、手提鏡、雙面水杯及更多共超過20多種產品，款款都好吸引！不過想買就要排隊喇，而且選購產品都有限量規定，今晚8時會派發88個入場券，每節入場時間以30分鐘為限。明天起至5月4日期間，每日將有300張「BT21專區體驗入場券」，第一場為早上11時，最後一場至晚上11時。大家要留意BT21產品只限售至5月4日，之後BT21專區內的產品只會作display用途，供各位粉絲拍照留念。更多詳情、入場安排、銷售細則及條款請瀏覽www.linefriends.com/noti?notiSeq=25 。