難得放假可以同另一半去旅行，當然要盡情relax下啦！泰國布吉島出名做spa，不過有間酒店，唔單止可以做spa，仲有得學瑜珈同打boxing，泰粉要留意！施萊特酒店位於布吉島北岸，距離國際機場只是10分鐘車程，而酒店隔離就係海灘，景觀加分。
重頭戲當然係瑜珈課程，瑜珈專家會教大家如何呼吸、做動作、冥想同放鬆。最受歡迎的是減肥塑身瑜珈課程，導師會以瑜珈動作淨化和平衡各個內在器官，令它們運作更暢順，從而加快新陳代謝。

除了落手落腳做，另外有個60分鐘的諮詢課程，專家會聽你的飲食同活動習慣，再俾意見你，幫你keep住fit，課程由2,000泰銖起，即係港紙大約400幾蚊，都幾抵玩。去到布吉唔少得做spa啦！Hit & Heal水療康體套餐好有趣，包括60分鐘泰式拳擊和60分鐘泰式按摩，激烈的boxing可以提升肌肉耐力和肺功能，之後再幫你按摩，紓緩繃緊痠痛的肌肉，爽啊！
最後當然唔可以缺少情侶按摩套餐喇！你們可以先嘆60分鐘的自選按摩療程，再享受30分鐘的牛奶浸浴，同另一半鴛鴦戲水。
做完spa，可以去酒店外的沙灘手牽手漫步，夜景挺有情調喔！

有興趣可以睇下呢個網址: www.theslatephuket.com

Text︰Tiffany Fung
Edit︰Joey Chen