Lady M粉絲又要去排隊喇！全新口味「柚子芝士蛋糕」將於8月18日發售。蛋糕設計好似個月亮，忌廉芝士拌入粒粒柚子，面層柚子忌廉裝飾，餅底用上雲呢拿海棉蛋糕，見到已經好想食！

為迎接中秋節，Lady M 推出象徵月圓的「柚子芝士蛋糕」，淡黃色芝士蛋糕恍如一輪明月，映照歡愉的佳節時刻。Lady M 的法式芝士蛋糕曾獲「紐約最佳芝士蛋糕」的美譽，今夏嚴選日本柚子配搭忌廉芝士。忌廉芝士拌入粒粒柚子，面層飾以柚子忌廉，酸甜味適中，餅底用上雲呢拿海棉蛋糕。柚子芝士蛋糕率先於 8 月 18 日起於 3 間分店以件裝發售，每件 $68，原個蛋糕將於9月起設網上預訂。

 

另外，推出全新「凍柚子檸檬梳打」(堂食 $58，外賣 $46) ，清酸醒神的味道透心涼。凍飲系列還有「凍法國玫瑰鮮奶茶」、「凍抹茶鮮奶」、「凍朱古力咖啡」等。

Text︰Joey Chen